Masa itu Cinta

Allah

"Katakanlah: Jika kamu (benar-benar) mencintai Allah, ikutilah aku, niscaya Allah mengasihi dan mengampuni dosa-dosamu. Allah Maha Pengampun lagi Maha Penyayang."

Surah Ali Imran, ayat :31

Blogger templates

Blogger news

Followers

^_^

Labels

Sape tu?

Blogroll

Saturday, March 5, 2011
Bismillahirahamanirrahim.
Salamun 'alaik.
Lamo x nulih, istimewo hok nih. Hanyo hok pehe ja, buleh pehe. Tok rajin lagi nulih ko kelate nih. Nok try lagumano. Jadi gapo kalu bahaso kelate kito guno dale blog. Jom. Tajuk sedak doh tuh. Jjiwo molek. Jadi mikkir plok, blog aku nih blog jjiwo ko? Jange saloh pehe plok. Jjiwo, jjiwo jugok. Tapi tengok la ko sapo nok jjiwo pom. Tibo2, teringak ko atiko hok baco maring. Hok Ime bui. Ustak Pahrol oyak, gappo hok kito nulis loni nih, ake jjadi saksi kat pade mahsya kekgi. Jadinyo, pade2 la kalu nok nulih pom. Kironyo, skit je lah nok nulih ari ni nyo. Mugo aku curi maso kijo skit nih, isi maso rehat meta.

Ok, bereh dok? Bereh jah, mugo aku bajet denge compomnyo, hok baco blog aku, Ime sore jah. Ore serawok tapi panda kecek kelate. Compiuh aku. Tak po lah, hok tu tuh. Jadinyo tajuk kito pado hari ni iyolah, cinto de air mato. Cinto? Buleh ko kito nok cinto manusio? Mano buleh. Hare! Saing aku oyak doso gewe. Ganaz lalu jawape dio gak. Acu tengok smula, mok pok kito u manusio. Abe kito tu manusio. Adik kito tu manusio. Bakpo tok lehnyo? Buleh jah nok cinto-cinto ni. Pah, kalu gitu gak buleh la gewe deh? Mugo gewe pom, manusio jugok.   Yolo doh. Sapo aja? Sete la tuh. Gewe ni manusio jugok, tapi jenih gapo? Walaupom dio manusio tapi gewe nih buke hok jenih ikut syariat. So, ado ko nabi ajar gewe? Takdok. Pah kalu xdok, bakpo nok gewe? Doh suko. Oo. Kalu suko gak jadi buleh la? Ni pun sete aja jugok. Buleh jah nok ikut sete aja tuh. Tapi tok soh mippi syurgo la. 

Kalu kecek bab gewe gak tok jjadi kijo laluh set2 nih. Bo2. Sebenarnyo sakni, nok kecek pasal cinto. Cinto paling utamo cinto pado Allah. Pahtu Rasulullah s.a.w. De seteruhnyo. Panda-panda la pehe sdiri. Jadinyo, kalu tibo-tibo ado tersuko kat ore tuh. Nok wat gano? Kalu buke maso lagi gak, saba la. Kalu maso dio gak, nikoh la cepak. Tu je la syariat suruh, buke payoh pom. Kalu tok saba jugok? Kalu tok saba jugok gak, wat malu jah la jadi manusio ni. Allah bui kurnio ime ni nok suruh kito saba. Buke bui free-free. Ado bahagie dio. So je lah, hok peting. Yakin denge Allah. Abih crito. Tu la cinto Allah. Nok oyak bui. Kalu cinto Allah, gapo kito nok buleh dapat. Sekali lagi di ule, hok paling peting sekali iyolah yakin denge Allah. Cinto Dio. 


Ok, kalu bab air mato ni plok ado sakuk sikit ngn cinto. Padaha blom ni oyak doh pasa air mato dok? Tak polah, nok oyak sekali lagi. Air mato ni, kalu buke sebab takut ko Allah. Tak dok nilai sikit habuk pom. Contoh dio, air mato tubik sebab gapo hok kito nok tok leh. Pahtu meccok plok. Jjadinyo, xdok gapo air mato tu tubik. Sio-sio. Banding plok denge air mato tubik sebab gapo hok kito nok tok leh. Tapi sebab redho denge  gapo hok Allah ttetu. Mako, air mato tu sangak la bernila. Sebabnyo, tok guru oyak. Air mato kito tu walaupom stitik luruh sebab takuk ko Allah, ake ditimbe jugok denge mize. De, berat dio tok soh crito la. Berat llajok. So, loninyo pilihlah. Samado, nk tiok sebab nok Allah, atau nok tiok sebab manusio. Jange bazzir ke air mato demo. Tiok sebab cinto Allah.

Dapak la kesimpulenyo, antara cinto de air mato tu. Keno letok sebab Allah jelah. Jange tiok sajo. Jange cinto sajo. Jadinyo, berutung la sapo-sapo hok ado cinto dale hati dio. Berutung la sapo-sapo hok tiok sebab manusio, dio tukar niat dio, tiok sebab Allah. Berutung la. berutung la. Berutung la. Ingat smula dale suroh Yassin ado crito pasa kaki, tange, jadi saksi kat akhirat kekgi. Jadi ke saksi-saksi mung tu buleh ngadu ko Allah sebab-sebab kebaike mung. Sebab cinto ko Allah. 

~ Gitu la skit sebanyok, bahaso kelate hok indah ini. Sapo xpehe tanyo. Jange wak kepahame sdiri. 
~ Wallahua'lam.


8 comments:

Anonymous said...

kureng.. xleh blah ayat kt perenggan 1st n ayt awal perenggan 2nd... buruk nar namo ak molek iman jd ime.. huhu...

Fasihah Cintailah Ilahi said...

haha...xpo, tulise n bhaso lain pom..makno xberuboh ime..hik3

Iman Zai said...

cheah,ce oyk.. bkpo tdetik di hati cheah 2k tulis ayat nh...

"..mugo aku bajet denge compomnyo, hok baco blog aku, Ime sore jah"

Fasihah Cintailah Ilahi said...

doh napok demo sore jah dok sini..hihi

Fasihah Cintailah Ilahi said...

sajo jah tulih pasal nih..mugo nok try bahaso kelate jah, xdok kaitae ngn hok idup atau mat..cumonyo, kalu sero tu gak nok wat gano..doh hati tu idup..bersyukur je lah..

admin said...

ghazipasha : adussss. pening3.....migrain datang....perenggan ptama ja buleh baca..haha..best2

Fasihah Cintailah Ilahi said...

ghazipasha : pening palo gak, letok koyop..hehe.. harap pehe la deh..jange pening sajo.. ^_^

admin said...

pening sbb xpehe boh..xhebak g kecek klate ni, buke apo..

Like3

UStaZ-uSTaz

Popular Posts

Islah nafsak